قمر عشر واربع نور خدك مثل نوره

[ابن سمار الحافي]

السلام عليكم ورحمة الله وبركاته

قصيده لشاعر / خلف بن هذال الحافي العتيبي




قمر عشر واربع نور خدك مثل نــــــــــــــوره
ذكرتك بعد ماشفت نوره وانا ســـــــــــــاري

تنقض على قلبي فجوره وحاشــــــــــــوره
ويطري علي من الروابع مية طـــــــــــــاري

انا خايف ان ستارة القلب مشعــــــــــــــوره
سلامة اسلوك العشق بالكهرب العـــــــاري

وانا ينثني حب(ن) على غير مجــــــــــدوره
ينوم اللي ماهوب عن علـــــــــــــتي داري

سبب علتي من كامل الخلق والصـــــــوره
لطيف(ن) نظيف(ن) يقبل النصب ويبــــاري

عديم(ن) نديم(ن) ينعش الروح بســــــروره
اديب(ن) حبيب(ن) باع نفسه وانا شــــاري

عطوف(ن) رؤف(ن) معه الارياح منثــــــوره
مكور(ن) حاذور(ن) ما يوالف على غــــاري

قماش(ن) بشاش(ن) فيه الاوغاف مصطوره
بطين(ن) حاصين(ن) حاصر(ن) فيه من جاري

انا منه روحي ياهل الدار مخطـــــــــــــــوره
ولا يبري الهايم مداوي ولا قــــــــــــــــــاري

وانا منه عيني ...................................
.................................................. ....

وانا من بعد ماغاب هددت بظـــــــــــــــــروره
ظرورة غرام وشوق والا الجسد بـــــــــــــاري

ولكن طال البعد هذا الشـــــــــــــــــــهر دوره
على جرته عقب البطا يـــــــــــــــذري الذاري

انا كن في صدري مثل نار تنــــــــــــــــــوره
ولو طفت نار تنوره طفت ما طفت نــــــــاري

يقولون نار الحب بالخير مذكــــــــــــــــــوره
اقروا لها كل المحبين من ظـــــــــــــــــاري

انا ان كان مت بموتي النفس مامــــــــــوره
لي واحد(ن) ياخذ لي الحق ويثــــــــــــاري

ذنوبه من اسبابي فلا هي بمذكـــــــــــوره
ذنوبي من اسبابه غفرها لي البــــــــــاري





آملين ان مانقدم ينال رضا الجميع
تقبلوا تحيات ابن سمار الحافي

[بعيد المدى]

ابن سمار الله يعطيك العافيه

[الذابح]

سلمت يالامير..

والله لا يهينكـ,,

وصح الله لسان ابوو فيصل..

وطوول الله عمره,,,


مودتي,,

[ابن سمار الحافي]

تحياتي للجميع

[برهوم الرقاص]

سلمت يمناك يالذيب

وصح لسان ابو فيصل

[فيصل التوم]

يعطيك العافيه على هالنقل,,،،!!

ما تقصر يالذيب...!!!

وصحـ لسانـ ابو فيصل،،،

[طارق ابن سمار]

ابن سمار الله يعطيك العافيه

[عزام]

صح لسانك يابو هذال
مشكور اخوي ابن سمار الحافي
الله يعطيك العافيه

[محمد العتيبي]

الله يعطيك العافية

وصح لسان شاعر الوطن

[ابن سمار الحافي]

مشكوررررررررررررين على المرورر