على الراعي من الرعيه سلام

[ابن سمار الحافي]

بسم الله الرحمن الرحيم

قصيده لشاعر / خلف بن هذال الحافي العتيبي

على الراعي سلام من الرعيـه سنـة الرحمـن=من السنـه سـلام و للرعيـه عـاش راعيــــــهـا
رعـاه الله إمـام المسلميـن و للوطـن عنــــــوان= و رمز و نور نجد و عز حاضرهـا و باديهــــــــــــا
حضرنا للتراث اللـي يمثـل ماضـي العربــــــــان =و لا يبقـى للأمـة قيمـةٍ مـن دون ماضــــــيهـا
صحيح من قرا التاريخه يلقا به عربان و أوطــان= قـرونٍ حافلـه مـا يمكـن التاريـخ يخفـــــــــيـهـا
هلا و مية هلا بضيوف حلوا في محـل إخـــوان = تراحيـب المضيـف و بالضيـوف الله يحيـــــــيهـا
ملـك و جنادريـه و الأمـان بديـرة الإيمــــــــــان = بـلاد السلـم و الإسـلام و المعبـود حامـــــيـهـا
بـلادٍ تطعـم الجايـع بـلادِ تكسـي العريــــــــان= بـلاد آمنـه مـا روّعـت و الأمـن كاســـــــــــيهـا
و فيها قبلة المسلـم و فيهـا مـن ولـد عدنـــــان =نبـي قـام و أدى رسالتـه بأسمـى معانـــــيـهـا
دعا الأمه على المنبـر سنيـن و علّـم القـــــرآن =لبر الوالديـن أوصـى و بالأرحـام موصــــــــــيهـا
و فيها شعب وافي و الوفاء ورثه مـن الجــــدان = على الشدات يرسي مثل مـا ترسـي رواسيهـا
و فيها من ملوك العرب من قادوا رسن و عنـان= مياميـنٍ تـحـت رايــة ملبـيـةٍ لداعــــــــــــــيـهـا
حموا شبة الجزيرة من جيوش الظلم و الطغيـان = قيـاداتٍ تعاقـب بـأول الهـجـرة و تالـــــــــــــيـهـا
نفوز بشوف عبدالله و شوفه يرضـي الزعــــلان = ليـا شفنـاه كنـا نملـك الدنيـا و مـا فـــــــــــيـهـا
تهاتف له جماهيره و تعزف له طرب و ألحـــــان =أناشيـد الفـرح بحضـور سيـدهـا تغنـــــــــــيـهـا
له بالفعل الجميل و له جزيل الشكـر و العرفـان = تحيـات الثنـاء للقـائـد الأعـلـى نثنـــــــــــــيـهـا
تغشى سيـدي بالـورد و اليشمـوم و الريحــــان = على روس الأصابع صاحـب الخبـرة منقـــــــيهـا
تقدم في طبق لولـو و بـروازه مـن المرجـــــــان= هديـة شاعـر لمربـي الأجـيـال مهديـــــــــــــهـا
ملك نعم الملك شيخ الشيـوخ مشيّـخ الشيخـان= ملـك كـل القلـوب و يملـك الغاليـن غالـــــــــيهـا
فتح صدره و رحب بالجموع و شـرع البـــــــيبـان = تجي و تقابلـه و تـروح مقنعهـا و مرضـــــــــــيهـا
تمد له القدح فاضـي و ترجـع بالقـدح ملـــــــيـان = عزيز النفس وجـه و جـاه و القدحـان مالــــــــيهـا
شجاع مع كرم و الظفر منجا و الكريـم معـــــان=عيـون يـذر فيهـا الشـب و عيـون يداويهــــــــــــا
مواقيفـه يسربهـا الصديـق و تقهـر العــــــــدوان = علـى وجـه تباشيـر السعـد تبـدي مواريهــــــــــا
ملك مؤمن ملك مخلص ملك مدرك بطل ميـدان = هـذا صقـر العروبـه السـاحـه و مخليـــــــــــــهـا
هذا المصلح هذا المفلح كلام الصـدق بالبرهـان = سياسـة عبقـري يرسـم الخطـة و يمضـــــيهـا
ملك مد الجسور و خاطـب العالـم بكـل لســـان = طرح كل الدروس و من عظام الـراس ممليهـــا
تحرك و التقا بالشرق من ساسـة دول و أديـان =و لـه دينـة و لـه رأي و علاقـاتٍ ينمـــــــــــيـهـا
حكيم الرأي في حسـم الأمـور يقـرر الميـــــزان = ليا حطت موازيـن العـرب مـن بيـن أيديهـــــــــا
يدافع عن عقيدة مالهـا فـي العالمييـن أثمـان = كرامتـنـا عقيدتـنـا نـمـوت و لا نخلــــــــــــيـهـا
علينا ما تهـون و مـن تخضـع للهوان يهـــــــان = يشوف الذل و يـذوق المـرارة عقـب حالـــــيهـا
تحدث عن قضيـة جوهريـة جمدوهـا أزمــــــان =فراعنة العـذاب و بالخـراب إبليـس مغويهــــــا
رموهـا و تركوهـا المفسديـن بسلـة النسيـان = تغط بنوم مـا نـدري متـى الدنيـا تصحــــــيهـا
يسومون العرب بديارهم سـوء العـذاب ألـوان =عساهـا للذهـاب و يذهـب المولـى ذراريهــــــا
يحل أبها ما حل بقـوم نـوح ساعـة الطوفــــــان = تسـاوي بالسيفينـة بأمـر مرسيهـا و جريهــــــا
تعـدي يالسفينـه و أعبـري بحكمـة الربــــــــان= علـى بـر الأمـان مبرمـج الرحلـه يقديهــــــــــا
حفظك الله ملك ياللي خذيت الشعـب بالأحضـان =قريب منه و كمومك علـى العـورات مضفـــيهـا
على جنبك ولي العهد أخو نايف و أخـو سلمـان = رجل طيب و شخا و إن كبرت القالـه يلاقيهــــا
حجا الرملا رجاء الكهل الكبير مغـذي اليتمـان= تبارك ثـم تبـارك خطـوةٍ سلطـان يمشـــــيهـا
عيـال موحـد الملـك العظيـم مشيّـد البنيــــان= على الدين الحنيـف يسيـر و النيـه مصفـــيهـا
صبي توحيد و موحد و له قدر و مكان و شـان = يقيـم الشفـع ثلـث الليـل و الآيـات يتلـــــــيـهـا
صدق من قال خلص حاجتك بالسـر و الكتمـان =ليا بنات خصائص حاجتـك وشلـون تقضــــيهـا
شهر عبدالعزيز لما كره مثـل أشقـر الجنحــان = مخاليبه مـن الفرسـات أخـو نـوره محنـــيهـــا
حمل روحه على كف شبـاب بزهـرة الريعـــان= سواة مغامري من غيـر أبـو تركـي يسويهـــا
يبي حلمٍ كبيـر و مـن وراه و دونـه الفرســــان =نشامى تجلتد و المـوت الأحمـر فـي يمانيهـا
ثلم حدب السيوف المرهفـات و كسـر العيـدان = مداغيش العيال اليـا اعتـزت سكـت عزاويهـــا
هجد فوق الصويتيه و ريمـه و الجمـل ريمــان= على ظهور الأصايل يأخذ الصحراء و يطويهـــا
هجيج مـن المضحـا للمعشـى كنهـا غـــزلان = يسـوج بطانهـا ببطونهـا و الليـل ضاويهــــــــا
عرايب من ركايب و الركايب من ركاب عمـان=تقول إن الوحوش مـع الخـلا الخالـي تباريهـــا
ما جاته بالسوالف و العوافي جت بصفق أكـوان =معارك طاحنه و العج شمـس الظهـر غاطيهـا
تزوع أبها العقول الراسيـه و تشيّـب الولـدان=بها سود النواصـي عـوّدت بيـضٍ نواصــــيهـا
جلا وجه الحياة و غاب وجه الفقـر و الحرمـــان = و أزال الخوف و أعلن دولته و أصبح مسمــيهـا
و أببعث من فؤادي ما أختزن شوقي من الوجدان =على قوم تـوارت فـي سنـه مانـي بناسيهـا
فقدنـا بالخليـج و بالجزيـرة للديـار أركـــــــــان=سلاطينٍ تساقـط كيـف مـا نحـزن و نبكــــــيهـا
رحل عنا أربعه و الأربعه عدل و عطا و إحسان=مـن الدنيـا خلـت و لا تخلـت عـن مــــــباديهـا
فهد و شيوخنا جابر و ابن راشد و ابـن سلطـان= رجـالٍ سطـروا لشعوبهـا مـجـد يكفــــــــيـهـا
رجال الخير و التدبيـر و التطويـر و العمـــــــران = بنـت بلدانـهـا بـنـيٍ يخلـهـا بأسامــــــــــيـهـا
ألا يالله تجـزا المحسنيـن العفـو و الغـفـــــران = تلهمها و الصواب و من عـذاب النـار تنجـــــيهـا
إله الكـون تمنحنـا مزيـد الصبـر و السلــــــوان = بعدهم و أنصر الحيين و أدحـر كيـد أعاديـــهـا
كريم القوم لا كرمته ملكته لـك يصيـر مـدان= هل المعروف لو هـي بالقبـور الذكـر يحيـــيهـا
و إن أكرمت اللئيم و طال عرفه صد عنك و خان= عليـك يـدوّر العثـرات و الحسنـات غاويهــــــــا
و من لا يذكر الله و يتذكـر مـا فعـل شيطـــان = ردي الحـظ دايـم لـلأذى نفـسـه معنيـــــهـا
تحملنـا و لا عـاد نتحمـل و المغطـى بــــــان =مبيتـة الخـدع فـي حقدهـا و الحقـد معميهـا
و من ينـوي لنـا بشـر هـذا جاهـلٍ غلطــــان = و نقـول إلـه جاهـل و الجهالـة لا تطريهـــــــا
و لا نجهل و إلا يجهل علينا كايـنٍ مـن كــــان= ماهـي بعلـوم جهـال حجاويـهـا تسليــــــهـا
و لا ضاعت حقوق و لا طلب من حقوق إنسـان =حقـوق النـاس قبـل حقوقنـا حنـا نبدّيـــــــهـا
صحافات تصدر بالفلس و الخـزي و الخسـران=بضاعـه فاسـده خسـران بايعهـا و شاريهـــا
دعايـات تروجهـا العـدا بالـزور و البهتــــــــان= خرافه في صحافه مـع مهـب الريـح نرميهـا
يبرّي ذمته من قال أنـا صاحـب قلـم فهمـان = يفكـر فـي الحقائـق و يتحقـق قبـل يبديهـا

تقبلوا تحيات ابن سمار الحافي

[الذابح]

صح الله لساان شاعر الوطن,,


وسلمت يمناكـ,,

ولاهنت يالامير,,,

[ابن سمار الحافي]

ولا تهون اخوي الذابح

[سهم عتيبه]

الله الله صح لسان شاعرنا الكبير

وسلمت للنقل المتميز يالغالي

[برهوم الرقاص]

سلمت يمناك يالذيب

وصح لسان ابو فيصل

[فيصل التوم]

يعطيك العافيه على هالنقل,,،،!!

ما تقصر يالذيب...!!!

وصحـ لسانـ ابو فيصل،،،

[بعيد المدى]

ابن سمار سلمت يداك
وصح لسان ابو هذال

[لافي]

صح لسان أبوهذال

[ابن سمار الحافي]

مشكورررررررين على الموررور