المجلس اللي ياعادي مايشرفني

[نايف المروي]

المجلس اللي ياعادي مايشرفني = معاد اداني جلوسن فيه بالمره
والله وانا اخوك دايم مايحسفني = في صاحبي غير ختلان على الغره
مابي من الطيب للطيب يسلفني = الطيب ماروثنا والسالفه حره
وعلى شداد المراجل مايرادفني = على الخبوت الخليه بدجاء سره
بقولها لو كلامن راح يقرفني = تكفى ياعادي لاابن القمر وره
عميت عيون الردي لا قلت له شفني = صد وتقهقر تقول القاع منقره
ماضي زماني عن العربان طرفني = والنفس في بعضهم لليوم مغتره
لكن ماهوب شين ان كان عرفني = وقتي على بحرها والا على بره
صحيح بعض العرب ماهيب تعرفني = لكن من لايسر بجاد ماظره
وصحيح بعض السوالف ماتكلفني = اقولها والردي يعطي مع الجره
ولا فيه شي بقول اليوم صادفني = لكن حظن تردى وشتعل شره
ماني براعيه والايام تنصفني = ولابدها فوق راس الخبل مفتره

* المجالس :

هي مجالس الدخان والشيشه والغيبه والنميمه

* عادي :

هو عادي بن دخيل ابن ضاوي الحافي ,, من الرجال ذو الصفات الحميده



الشاعر :|

بجاد ابوديه .

[ابن الوطن]

صح لسان الشاعر


ونايف

يعطيك العافيه

[نايف المروي]

تعافيك يا ابن الوطن وشكرا على المرور

[نايف بن مزيد]

صــح لســان ابــو نــايف,,,,,,,,,

[نايف مطلق بن مصيبيح]

صح السان بجاد

لاهنت اخوي نايف

على النقل

قصيده جميله جميله

بجمال اسلوب كاتبها

بيض الله وجهه

[نايف المروي]

اشكركم اخواني على المرور

[بعيد المدى]

صح لسان ابو نايف
وسلمت يداك يا نايف
المـــــــــــــــــــــروي

[الجذع الروقي]

صح إلسانك وتقبل مروري

[النايفه]

المجلس اللي ياعـادي مايشرفنـي
معاد اداني جلوسـن فيـه بالمـره
والله وانا اخوك دايـم مايحسفنـي
في صاحبي غير ختلان على الغـره

ياسلاااااام

من كان في راسه دوخه على القهوه العربيه

الاصيله فأنصحه بان يقراء ولو بيت من قصايد بجاد بو ديه

فانها تكفيه عن فنجال الكيف

صح لسسسانك ياشاعر

[شباب الحافي]

صح لسان الشاعر

ابونايف

نايف

لاهنت

على النقل ياغالي