نسل الاشراف

[ناصر الشريف]

بسم الله الرحمن الرحيم

السلام عليكم ورحمة الله وبركاته

اتشرف بان اكون احد اعضاء هذا المنتدى

والصرح الشامخ

واليكم اول مشاركه لي




في منتدى الحافي سعود ابتدى القاف
سعود ابن سالم سليل النماره

اصرف من ابياتي كما عد صراف
وانا سليل اهل الشرف والنعاره

يا الله يا خالق ورازق ورواف
تجعل حياتي دايما فالصداره

وتعزني يا الله في كل ميقاف
وتجيرني شر الحسد والخساره

سعود فالمليون قد جاله احلاف
وانا من اللي شاق سمعي شعاره

ما هاب من بعض التحايل ولا خاف
ساد وتعدى للقمر في مداره

وانا صبي العز من نسل الاشراف
حبيت اشرف منتداه بشطاره

واسطر ابياتي على راس مشراف
وا غني اشعاري براس المناره

ياالله بسيل فوق الاوطان جراف
يروي ربا نجران وايضا قراره

ويعم خيره مملكتنا والاطراف
ثم يهتني به كل من زار داره

تتلاشع بروقه مثل ضوح كشاف
في سلة من حضرموت الصطاره

يشفي عماس اللي على العز ينشاف
راعي الظفر راعي الفخر والنعاره

والعز باقي بين حامي وخواف
والبل ترعى فوق راس الزباره

سلام للوافين في سلم واعراف
تسليم وافي مايعرف العياره

الذ واحلى من لبن كل مشعاف
واريح من اخر ماركات الغماره

والخاتمه تسليم وافي بالاصناف
على النبي وآله نذير البشاره

[ابن الوطن]

حياك الله

في هذا الصرح الشامخ

[ناصر الشريف]

ابقاك الله

[محال]

يا الله يا خالق ورازق ورواف
تجعل حياتي دايما فالصداره

انت لست في الصدارة بل في القمة دائماً أخي ناصر وأهلا بك وصح لسانك والله لا يهينك

[ناصر الشريف]

اخي محال اذا كنت انا في القمه

فانت القمه اللتي تحتويني

وشكرا لك على مرورك الطيب


وصح بدنك ولا هنت

[بعيد المدى]

الشريف صح لسانك

[ناصر الشريف]

بعيد النظر صح بدنك

[الـتـوم]

الله يحيك تو مانور المنتدى

[ناصر الشريف]

الله يبقيك وتسلم على المرور


والمنتدى منور بهله

[سلطان المقعار]

أخي العزيز .. (( ناصر الشريف)) ..

شرفنا تواجدك في هذا المنتدى الراقي والجميل ..

الراقي بأهله وأعضائه ,, وأدارته
..

والجميل ..

بما يحتويه من علم نافع وطرفة جميلة ..

ونرجو لك طيب الاقامة معنا بين اخوانك واخواتك ..

وان تثري هذا المنتدى بما لديك من جديد ..

وأن تفيد وتستفيد ..

اخوك : سلطـــان المقعـــــار