= على ناظرن نومه ليا ضيعه همه

[نايف المروي]

عداك الرداء يناظرن مايجيك النوم = على ناظرن نومه ليا ضيعه همه
عليك وعلى شرواه فوق النجوم نجوم = لها يمة القادي ولك غيرها يمه
الى اي حال يصيرك فوق السلوم سلوم = تلومه ملامن يلحق الوجه وتذمه
تلوم الكريم اللي عن الناقصه معصوم=تذم الشجاع وتشعل النار في دمه
تشب اللهايب لين جاء فالعلوم علوم = ولين احتزم شره المطاليب في كمه
كفاها وضوح السالفه مثل شمس اليوم= وش اللي تقول لصاحب المعرفه سمه
تناعق على مبنى سكنها طيور البوم = ليا طار منها واحدن حام فوق امه
لهم مثلها روسن تراوغ بدون اخشوم = تحت ريشها المشبوه ومرمد الغمه
عليّ اليمين الجزم لولا الحيا واللوم = على لحيتي وأخاف لاتلحق الذمه
لقول الحقائق حق ومسلسله بالرقوم = على شان مايظهر على شكلها غمه
ابو هقوة فيها تسوق الرخوم ارخوم= على ماتهيا تجتمع لو على الرمه
متى صافح اليمنى الكريمه وضد القوم = متى عائلن بالخير والعاطفه ضمه
متى ساعد المحتاج والا انصف المظيوم = متى ورد الضامي على صافي الجمه
يعض اليدين البيض لو مابها مطعوم = حريصن يشوف لمابهن وان ظهر خمه
عسا بعدكم ياهل العقول الضعوف يدوم = دوام الحياه لمن تعلى على القمه
هي اللي حيات الهون والمقعد المذموم = لكم كلها بالخير والشر مالتمه
تخيرت عنها النايف العالي المزموم = خلاوي خلى عن راعي الشين والنمه

الشاعر بجاد بن محمد ابوديه

[بعيد المدى]

نايف المروي
صح
لسان بجاد
والله
يعطيك
العافيه

[نايف المروي]

بعيد المدى شكرا على اهتمامك وردودك وبيض الله وجهك

[النايفه]

مشاء الله تبارك الله

صح لسان الشاعر بجاد بن محمد

اشهد بالله انه قصيده شامخها

تتمخطر الجزالة بين اسطرها

ويعانقها جمال الحرف ورقيه

نايف بن مروي سلمت يمينك

[ابن الوطن]

صح لسان الشاعر بجاد بن محمد

نايف


يعطيك العافيه

[ابن وافي]

صح لسان الشاعر


نايف

لاهنت علي نقل القصيدة ..ننتظر الجديد ...



ابن وافي

[الـتـوم]

صح لسان الشاعر

[سلطان الحافي]

نايف

بيض

الله وجهك

طرح

اكثر من راااااائع

لقصيده قمه

جزله

صح لسان ابو يديه ملاااااااااااااااااااااااااااااااااااااااااااايين

[الجذع الروقي]

صح إلسانك وتقبل مروري

[كاكا الحافي]

نايف المروي
صح
لسان بجاد
والله
يعطيك
العافيه