سليل شيوخنا واف الخصايل

[نايف المروي]

يقول بجاد ابوديه سلامي = على فيحان بن ناصر نديمه
على زبزوماها في كل ساعه = متى ضاقت على عين اليتيمه
حفيد شيوخنا واف الخصايل= وريث امجادها لوهي عديمه
على غيره وغيره وش تصور = سواته بالوفاء هطال ديمه
بكورن ماتخلف من مطرها= ولا عودن خضر من دون تيمه
خلاف اللي لهم بالذكر باقي = ابذكرهم ولو فالراس شيمه
ترفع عنهم النفس العزيزه = ولا فيهم القاصدهم غنيمه
ابستاذنك يافيحان توحي = حباك الله عن راع النميمه
ابو وجه يابو فيصل تغير = على بعض العلوم المستقيمه
على بعض العلوم اللي لهلنا = على وضح النقاء مثل الوسيمه
ابو وجه تغير لين عود = على مردوسة الجد القديمه
حناه الساس الاول وستدارت = محالة وقته الحاضر هزيمه
تقفاني ونا اللي لوحضرته = اخلي حضرته مثل البهيمه
تجاهلني ونا اللي ماجهلني = كبير القوم والراس الصتيمه
يقدر فالمواجيب المقامي = وابو مره حياته مع حريمه
يباريهن بفجاله وكنه = حداهنه ليا جات القسيمه
هفا حضه ونا حضي تعلا = سماء كنه يباري راس غيمه
تعلى اليوم في عال المعالي = على عزن عساء ربي يديمه
جزاك الصده الصده وعني = جزاك من العرب هون وشتيمه
وعنك النفس تعلو ماتنزل = ولا تلحق مدى الروح الكريمه
سواتك مايساوي نصف طيبي = انا دايم نديم اهل العظبمه
عزيزن من عزيزينن عوارف = لهم في ساحة الامجاد خيمه
بناها جد جدي ثم سكنها= ولازالت على الدنيا مقيمه
رفيعين المقام عن الرخامه = كبيرين البخوت عن الظليمه

[شباب الحافي]

صح لسان الشاعر/ بجاد

اخوي/ نايف

بيض الله وجهك

على نقل القصيدة

[ابن الوطن]

صح لسان الشاعر بجاد

[بعيد المدى]

نايف المروي سلمت يداك
دايما ماتنقل لنا غير التميز
وصح لسان ابونايف

[محال]

نايف المروي سلمت يدك وصح لسان بجاد أبو دية

[نايف المروي]

	شكرا اخواني على المرور...

[ناصر بن سعود]

صح لسانك على هذه الجزلة يابونايف

ويستاهل الشيخ فيحان بن ناصر بن جعيلان هذا المدح

والله ونعم وقليلة بحقه

رجل معروف بكل الخصال الحميدة

ابونايف ننتظر القادم

مع كل الود والاحترام

[بدر الحافي]

الله الله
الشاعر القدير بجاد محمد الحافي
ابونايف
صح لسانك صح لسانك
وجهن يحرم عن النار ان شاء الله

ويستاهل الشيخ / فيحان بن جعلان



نايف الله يعطيك العافية
ولايهينك يالغالي

[نايف بن مزيد]

ابو نايـــف,,,,,,,

صــح لسـانكــ ولاهنت يـاكحيــلان,,,,,,,

ويستااهل ابو فيــصل كل علمـ (ن) طيــب,,,,,,,,

[الجذع الروقي]

صح إلسانك وتقبل مروري