تكفون ياعتيبه

[بنت قبيلتها]

تكفون ياعتيبه ابي وقفة احوال=ماعاد لي في وجه جرحي استطاعه
تكفون كيف اصنع من اللاش رجال=وكيف أقلـب الحــظ الردي للســـناعه
تعبــت أمثل دور حــرمه ورجــال= وتعبت اشيـل اللاش من وسط قاعـه
تعبت وحمـولي تعدت لها جبــال=من ياخـذ الحـــمل الثــقيل بشـجاعـه
تعبت اقـول الحـال ماعاد بالحـال=وتعبـت واحــد وانتتـظـر لي جـمـاعـه
تعبت اعلق في فرح عمري أمال= ويمـكن فـرح عمـري مـجـرد إشـاعـه
تعبت غربه..هـم..ضيـقه..وترحـال= وتعـبـت ادور فـي دروبــي اتـســاعـه
وش فيك ياحظي تقـصر بالافـعال=وانـــا وقـلــبي عــند طيــبـك وداعــه
ماكنت ابي منك سوا راحة البال=وشلون تعـكس لـي الدروب بلــكاعـه

[القوة الضاربة]

((تكفون ياعتيبه ابي وقفة احوال
ماعاد لي في وجه جرحي استطاعه
تكفون كيف اصنع من اللاش رجال
وكيف أقلـب الحــظ الردي للســـناعه
تعبــت أمثل دور حــرمه ورجــال
وتعبت اشيـل اللاش من وسط قاعـه
تعبت وحمـولي تعدت لها جبــال
من ياخـذ الحـــمل الثــقيل بشـجاعـه
تعبت اقـول الحـال ماعاد بالحـال
وتعبـت واحــد وانتتـظـر لي جـمـاعـه
تعبت اعلق في فرح عمري أمال
ويمـكن فـرح عمـري مـجـرد إشـاعـه
تعبت غربه..هـم..ضيـقه..وترحـال
وتعـبـت ادور فـي دروبــي اتـســاعـه
وش فيك ياحظي تقـصر بالافـعال
وانـــا وقـلــبي عــند طيــبـك وداعــه
ماكنت ابي منك سوا راحة البال
وشلون تعـكس لـي الدروب بلــكاعـه




مشكوره يالغاليه على القصيده الجميله ولكن عندي بيتين حبيت اقولها بعد قرائتي لشعرك الجميل
اعتيبه الهيلا ترحب بالابطال
ساس الوفاء والطيب حب وقناعه
انسي همومك واشربي كيف فنجال
قولي لهمك روح في كل ساعه [/center]

[بدر الحافي]

يابنت غنيتي وسيمة ب موال=وحركتي الهاجس وجا با اقتناعه
ومادام ناديتي مطانيخ الابطال=عندي على رد المعاني براعة
شاعر وتطرب له طريفات الامثال=ويرقص على هاجوس شعره يراعه
يابنت وقتن فيه بخنقك والشال=اكرم من وجيهن غشتها الدناعة
واطيب واعز من الردي ميت الفال=الي على الطولات يقصر ذراعه
وقتن خفيفه صار من ضمن الاثقال=وكل السبب في بايعين الوداعة
الي غدا يبغا الحضارة ولا طال =والي قلبها قصر ثوب ومطاعة
والي تكبر يوم حصل كم ريال=والي طبع في ام المعاصي طباعه
رجال في سكبة لحاها والازوال=زحول في زرع الفتن والقطاعة
فحول ليل ول اشرقت شمسها (رخال)=ماعندهم عن حر بقعا مناعة
الفرق كله في بطاقات الاحوال=والا الطماعة ماوراهم طماعة
اهبوا مافيهم من الطيب مثقال=قطعهم الله من من بلوغ الشفاعة
مار اسمعي ماجاز علمن ليا طال=والبيت ماضاقت ب مثلك رباعه
ما للردي عند العزيزات منزال=ولا شاقهن حسنه و ..... جماعه
خليه لو تعطينه الصوغ والمال=باب الكريم ولا الضعيف ومتاعه

[ابن وافي]

صح لسانك ...حياك في منتداك ...

الفرق كله فـي بطاقـات الاحـوال

والا الطماعـة ماوراهـم طماعـة

اهبوا مافيهـم مـن الطيـب مثقـال

قطعهم الله من من بلـوغ الشفاعـة

الله الله


بدر


كلمات ولا أروع منه ..تسلمممممممممممممم يالأمير ...


ابن وافي

[بعيد المدى]

صح لسانك ويمرحبابك
ابيات جزله

[النايفه]

صح لسانك بنت قبيلتها

اقول-

يابنت وأن شفتي من الشوق غربال=حذرا تبيحين الخبر للجماعه

ترا الخوي يدمح اليا جاه خمال = يبقى خويك لو أتعذرب أطباعه

ماتنفعك شكواك يامعرب الخال = تصبح هزيل(ن) مابجسمك مناعه

خذها نصيحه يالغضي وريح البال = احفظ علومك لا تجيبه بساعه

في قدرة الله دمعتك تنهي الحال = والعود نداً والاوادم مجاعه

ابيات لاختك النايفه

[بنت قبيلتها]

اشكركم جميعاااا على دعمكم القوه الضاربه اشكرك على ترحيبيتك الرائعه
ابن وافي اشكرك على مرورك
بعيد المدى اشكر لك ذووووقكطبعا بدر الحافي عندما قرأت ردك ورد اختي النايفه لم اسطتع الا ان ارد عليكم بابيات قصيره


موجهه لبدر الحافي

يابدر شعرك جاني اليوم يختال=وانا اشهد ان بك للمعاني براعه
انا اشهد انك للطويلات حمال= وعندك على درب المراجل ولاعه
اكثح على وجه الردي حفنة رمال= وخله على دربه وزود اقتناعه
اللي يجيك وصايب فعله خبال= اشطب عليه بxوابصم ضياعه
يابدر لاتنظر حروفي باهمال= حرفك وشعرك انجذب لأانسماعه
ماكنت ابي للهم سيره ومنوال=همي وشعري كونوا لي جماعه
مير الزمن يااخوك فرح بي عذال =صارت جروحي والقصيده شراعه
يابدر حرفك جاني اليوم باقبال= ياللي المراجل جاتك بكل طاعه

[بنت قبيلتها]

وهذا ردي على الاخت النايفه

يالنايفه مالي خوي بالانذل= مااخاوي اللاش الردي وبقناعه
يالنايفه وشلون اخاوي هالاشكال=هذا فعـوله زادت القلـب لاعه
انا حدتني للشكى سود الليال=كني على زود الصبر بي مناعه
ماعاد يغريني سوا شكوة الحال= كن الشكى لي صار افضل صناعه
حتى العواذل ناظروا الجرح باهمال=وقفت اقول الجرح ذا وبشجاعه
كنت بصمودي اشبه بحال تمثال= والحين صرت اشكي انا كل ساعه
لا لاتلوميني ترا الحزن بي طال=حتى غديت انسج حروفي ببراعه
يالنايفه مالي خوي بالانذال=خل الردي يلقى شبيه لطباعه
اللي يدس عن المسايير فنجال=يلقى رفيقه من هواة المياعه
يارب يارحمن عدل اللي الفال=وابعد دروب اللي يموت بذراعه

[ابن وافي]

الله الله الله


شاعرنا بدر الحافي

النايفة ،بنت فبيلتها ...


درر لا عدمتكم ...





صحت ألسنتكم وربي ...



ابن وافي

[نايف مطلق بن مصيبيح]

بنت قبيلتها

حياك الله في منتداك

قصيده جزله

وبيض الله وجه من جاراء هذه القصيده

ننتظر جديدك